ತಮಸೋಮ ಜ್ಯೋತಿರ್ಗಮಯ – ಭಾಗ 2

ಶ್ಲೋಕಗಳು ಹಿಂದೂ ಧರ್ಮದಲ್ಲಿನ ಒಂದು ಅವಿಭಾಜ್ಯ ಅಂಗ , ಮಾಡುವ ಪ್ರತಿಯೊಂದು ಕಾರ್ಯವನ್ನೂ ಶ್ಲೋಕದ ಮೂಲಕವೇ ಆರಂಭ ಮಾಡುತ್ತೇವೆ . ಅದೇ ರೀತಿ ದೇವರಿಗೆ ದೀಪ ಹಚ್ಚುವಾಗಲೂ ಶ್ಲೋಕ ಹೇಳುವ ಪರಿಪಾಠ ಇದೆ… ಅದು ಈರೀತಿ ಇದೆ…

ಭೋ ದೀಪ ಬ್ರಹ್ಮರೂಪಸ್ತ್ವಂ ಅಂಧಕಾರ ನಿವಾರಕ |
ಇಮಾಂ ಮಯಾಕೃತಾಂ ಪೂಜಾ ಗ್ರಹಾಣತ್ವಂ ಪ್ರವರ್ಧನ ||

ದೀಪಗಳ ಕುರಿತಾಗಿ ಇರುವ ಒಂದೆರಡು ಶ್ಲೋಕಗಳನ್ನ ನೋಡೋಣ…

ದೀಪಜ್ಯೋತಿಃ ಪರಬ್ರಹ್ಮ ದೀಪ ಜ್ಯೊತಿ ಜನಾರ್ಧನಃ |
ದೀಪೋ ಹರತಿ ಪಾಪಾನಿ ಸಂಧ್ಯಾದೀಪ ನಮೋಸ್ತುತೇ ||

ಅರ್ಥಾತ್ ಪರಬ್ರಹ್ಮ , ಜನಾರ್ಧನ ಸ್ವರೂಪವಾದ ದೀಪವು ಪಾಪನಾಶಿನಿಯೂ ಆಗಿದೆ… ಧಾರ್ಮಿಕ ರೀತಿಯಲ್ಲಿ ದೀಪಕ್ಕಿರುವ ಮಹತ್ವವನ್ನು ಈ ಶ್ಲೋಕ ಹೇಳುತ್ತದೆ… ಅಂದರೆ ದೀಪದ ಮಹತ್ವವನ್ನು ಅರಿತು ದೀಪ ಬೆಳಗಿದಾಗ ಅದು ಕತ್ತಲನ್ನು ನಾಶ ಮಾಡಿದಂತೆ ನಮ್ಮ ಪಾಪವನ್ನೂ ನಾಶ ಮಾಡುತ್ತದೆ. ಇದೇ ರೀತಿ ಇನ್ನೊಂದು ಶ್ಲೋಕ ದೀಪದಲ್ಲಿ ತ್ರಿಮೂರ್ತಿಗಳು ವಾಸವಾಗಿದ್ದಾರೆ ಅನ್ನುತ್ತದೆ ಅದು ಈ ರೀತಿ ಇದೆ…

ದೀಪ ಮೂಲೇ ಸ್ಥಿತೋ ಬ್ರಹ್ಮಾ ದೀಪ ಮಧ್ಯೇ ಜನಾರ್ಧನಃ |
ದೀಪಾಗ್ರೇ ಶಂಕರಃ ಪ್ರೋಕ್ತಃ ಸಂಧ್ಯಾದೀಪ ನಮೋಸ್ತುತೇ ||

ಇಂತಹಾ ಮಹತ್ವದ ಸ್ಥಾನದಲ್ಲಿರುವ ದೀಪದ ಬಗೆಗೆ ನಮಗಿರೋ ಮಾಹಿತಿ ಎಷ್ಟು ಕಡಿಮೆ ಅನ್ನಿಸುತ್ತೆ ಅಲ್ವಾ…

ದೀಪಗಳನ್ನು ಹಲವಾರು ರೀತಿಯಲ್ಲಿ ವಿಂಗಡಿಸಬಹುದು , ಯಾವ ಲೋಹದಿಂದ ಮಾಡಲ್ಪಟ್ಟಿದೆಯೋ ಅದರ ಅಧಾರದಿಂದ ಅಥವಾ ಯಾವ ದ್ರವ್ಯವನ್ನು ಉಪಯೋಗಿಸಿ ಉರಿಸುತ್ತಾರೋ ಅದರ ಆಧಾರದಿಂದಲೂ ಹಲವು ರೀತಿ ವಿಂಗಡಿಸಬಹುದು..ಲೋಹದ ಅಧಾರದಲ್ಲಿನ ದೀಪಗಳ ಕುರಿತಾಗಿ ವಿಂಗಡನೆ ಮಾಡಿದರೆ ಚಿನ್ನದ ದೀಪವನ್ನು ಕಾಣಬಹುದು ಬೆಳ್ಳಿಯ ದೀಪವನ್ನು ಕಾಣಬಹುದು, ಹಿತ್ತಾಳೆ, ತಾಮ್ರ ಇವುಗಳ ದೀಪವನ್ನೂ ಕಾಣಬಹುದು… ಅಷ್ಟೇ ಏಕೆ ಇತ್ತೀಚೆಗೆ ಸ್ಟೈನ್ ಲೆಸ್ ಸ್ಟೀಲ್ ನ ದೀಪಗಳೂ ಸಿಗುತ್ತವೆ. ಹಾಗಾದರೆ ಯಾವ ದೀಪಕ್ಕೆ ಏನು ಮಹತ್ವ ಇರಬಹುದಪ್ಪಾ ಅನ್ನೋ ಕುತೂಹಲ ಇದ್ರೆ ಮುಂದಿನ ಭಾಗದವರೆಗೂ ಕಾದಿರಿ…

—ಕೆ.ಗುರುಪ್ರಸಾದ್

ಗ್ರಂಥ ಕೃಪೆ : ದೀಪ ಸಂಪುಟ
ಮೂಲ ಲೇಖಕರು : ಶ್ರೀಕಾಂತ್ ವಿ ಬಲ್ಲಾಳ್

Advertisements

One response

  1. ಮಾನ್ಯರೇ, ಇಂತಹ ಅಮೂಲ್ಯ ವಿಷಯಗಳನ್ನು ತಿಳಿದುಕೊಳ್ಳಬೇಕೆಂಬ ಅಸೆ. ಆದರೆ ಸಂಸ್ಕೃತ ಶ್ಲೋಕಗಳನ್ನು ನಿಮ್ಮಂತವರು ತಿಳಿಸಿ ಹೇಳಬೇಕು. ಒಟ್ಟಿನಲ್ಲಿ ಲೇಖನ ಚೆನ್ನಾಗಿದೆ ಕುತೂಹಲಕಾರಿಯಾಗಿಯೂ ಇದೆ. ವಂದನೆಗಳು.

ನಿಮ್ಮ ಅನಿಸಿಕೆ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

%d bloggers like this: